Публикации » Конкурсран çĕнтерÿпе таврăннă

05 декабря 2017 г.

Иртнĕ канмалли кунсенче «Химик» культура çуртĕнче «Хăвна кăтарт» Пĕтĕм Раççейри ача-пăча, çамрăксен тата аслисен фестиваль-конкурсĕ иртнĕ. Унта Раççейри мĕнпур регионтан хутшăннă. Вĕсем сăвă калас, ташлас енĕпе тупăшнă. «Хореографи» номинацире «Рябинушка» халăх ташă коллективĕ (ертÿçи - Л.Ефимова) иккĕмĕш степеньлĕ дипломант пулса тăнă. Çавăн пекех «Орлята» патриот пĕрлешĕвне çÿрекен Арина Алексеева (ертÿçи - А.Судман) «Илемлĕ сăмах» номинацире иккĕмĕш степеньлĕ диплома тивĕçнĕ. Çĕнтерÿçĕсене «Челентано» пултарулăх пĕрлешĕвĕн хаклă парнисемпе тата дипломсемпе чысланă. Ертÿçĕсене Çĕнĕ Шупашкар хулин культура пайĕн тата вĕренÿ управленийĕн, йĕркелÿ комитечĕн Тав хучĕсемпе хавхалантарнă.