Çак кунсенче эпир савăнăçлă хыпар илтĕмĕр: Раççейри Кино фончĕн пĕчĕк тата вăтам хуласенче кинотеатрсем уçмалли конкурсăн тăваттăмĕш тапхăрĕнче районти Культура çурчĕ çĕнтернĕ. Апла-тăк, çитес çул районта кинотеатр уçăлать тесе калама пулать. Ку конкурса 2015 çултанпа ирттереççĕ, унтанпа республикăри 12 культура учрежденине кинотеатрсем уçма хальхи йышши оборудовани илме укçа-тенкĕпе тивĕçтернĕ. Кăçалхи конкурса республикăри ытти районсем те хутшăннă пулнă, анчах та 5 миллион тенкĕне пирĕн район кăна тивĕçнĕ. Çак укçапа çитес çул районти Культура çурчĕн залне çĕнетмелле, хăтлă креслăсем лартмалла, пысăк экран тата кино кăтартмалли цифрăллă оборудовани вырнаçтармалла. Пĕр сăмахпа каласан, хуларинчен кая пулмĕ.

Александр САМСОНОВ, райадминистрацин культура, туризм тата архив ĕçĕн пай начальникĕ.