Публикации » Ÿсĕмлĕ ĕçлесси - ĕçе юратнинче

17 октября 2017 г.

Çĕр çинче ĕçлесси - вăйă вылясси мар. Хăйĕн ĕçне юратакан çĕр ĕçченĕ çеç çитĕнÿ тума пултарать. Акă Александр Харитонов ертсе пыракан хресчен-фермер хуçалăхĕ 2008 çулта йĕркеленсе кайнă. Чи малтанах вăл 20-25 гектар çинче ĕçлеме пуçăннă пулсан, халĕ 300 гектар ытла çĕр лаптăкĕ çинче тĕрлĕ культура акса-лартса туса илет. Тĕш тырăпа пĕрлех çĕр улми, нумай çул ÿсекен курăксен лаптăкĕ те пĕчĕкех мар. Апла пулин ĕçĕ те нумай, çавăнпах вăй-халĕ те, техники те çителĕклех кирлĕ. Кăçал асăннă хресчен-фермер хуçалăхĕнче 120 гектар тулă, 65-70 гектар урпа, 30 гектар çĕр улми лартса ÿстернĕ.