17 октября 2017 г.
Аграри секторĕн аталанăвĕ çине килти хушма хуçалăх вăй илни та пысăк витĕм кÿрет. Ялсенче пурăнакан хăш-пĕр çемьесем выльăхсен шутне чылай çул ÿстерсе пыма тăрăшаççĕ. Паянхи кун районта 9381 килти хушма хуçалăх шутланать. Ял хуçалăх организацийĕсемпе танлаштарсан вĕсен хисепĕ ытларах пулни паллă. Пĕтĕмпе вара ялсенче - 7287 пуç мăйракаллă шултра выльăх. Çакă районти мĕнпур ял хуçалăх предприятийĕсенчен 3,7 хут нумайрах. Вăл шутран кил хуçалăхĕсенче 4194 пуç ĕне, 474 пуç сысна усраççĕ. Çавна май ял хуçалăх продукчĕсене туса илесси те ÿсĕмлĕ. Кăçалхи январь-сентябрь уйăхĕсенче килти хушма хуçалăхĕсенче пĕтĕмпе 1359,1 тонна аш-какай, 16091,9 тонна сĕт, 2341,1 пин çăмарта туса илнĕ.