Публикации » Выпускниксемпе тĕл пулнă

29 сентября 2017 г.

Шкултан вĕренсе тухакансен халĕ чи яваплă тапхăр – вĕсем вăтам пĕлÿ илнĕ хыççăн кам пулассине суйлаççĕ. Çавăнпа та вĕренÿ учрежденийĕсенче вĕсем валли профориентаципе çыхăннă мероприятисем йĕркелеççĕ.
Çак кунсенче Тăвайри пĕтĕмĕшле пĕлÿ паракан вăтам шкула Мучарти, Çĕнĕ Пуянкассинчи, Тушкилти, Тăвайĕнчи тата Енĕш Нăрвашри шкулсенчен вĕренсе тухакансем пухăннă. Çамрăксем Раççейри Хăрушсăрлăх службин Чăваш Енри уйрăмĕн представителĕпе тĕл пулнă. 
Вăл шкул ачисене ведомствăн универ-ситечĕсем пирки каласа панă, Федераллă хăрушсăрлăх службине канашлăва пырса кайма йыхравланă. Çакă çамрăксене Раççейри Хăрушсăрлăх службин аслă шкулĕсене тĕллевлĕ майпа вĕренме кĕме пулăшĕ.

Источник: "Ял ĕçченĕ"