12 сентября 2017 г.
Августăн 28-мĕшĕнчен сентябрĕн 10-мĕшĕччен районта "Асăрханăр, ачасем!" профилактика мероприятийĕ иртрĕ.
Çак вăхăтра ГИБДД сотрудникĕсем ачасене илсе çỹрекен автомашинăсене, водительсене тĕрĕслерĕç. Саккуна пăхăнманнисене явап тыттарма та тивнĕ. Сăмахран, ачана автомашинăра ятарлă креслăсăр илсе çỹренĕшĕн 3 пин текнĕ штраф тỹлемелле.
Районти ГИБДД сотрудникĕсем профилактика мероприятийĕ вăхăтĕнче шкулта вĕренекенсемпе, ача садне çỹрекенсемпе те тĕл пулусем йĕркелерĕç. Акă, сăмахран, сентябрĕн 7-мĕшĕнче Урмаел ялĕнчи "Лейсан" ача сачĕн шăпăрла-нĕсемпе тĕл пултăмăр. Вĕсемпе пĕрле "День знаний ПДД" уçă урок ирттертĕмĕр. Çавна май кĕçĕн туссемпе çул-йĕр правилисене пăхса тухрăмăр, çул çинче мĕнле çỹремеллине тепĕр хутчен аса илтертĕмĕр. Çуран çỹренĕ чухне, велосипедпа çула тухсассăн, автомашинăна ларсассăн çав тери асăрхануллă пулмалла.
Р. Закирова
Источник: "Каçал Ен"