Главное управление МЧС России по Чувашской РеспубликеОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Хуралăн чи лайăх ертÿçи

07 сентября 2017 г.

Çак ята Шупашкарти ятарлă пушарпа çăлав чаçĕн аслă лейтенанчĕ Евгений Долгов тивĕçнĕ. Вăл Пĕтĕм Раççейри «Созвездие мужества» фестивале хутшăнса республика тапхăрĕнче палăрнă. Кăçал кăна мар, ытти çул та çамрăк пушарнăй унта çĕнтернĕ.

Етĕрне районĕнчи Тури Ачакра çуралса ÿснĕ Евгений пĕчĕкренех çăлавçă пулма ĕмĕтленнĕ. Çавна май вăл Ивановăри пушарнăйсене хатĕрлекен патшалăх институтĕнчен вĕренсе тухнă. Пулас çăлавçă студент чухнех паттăрлăхĕпе палăрнă: Иваново облаçĕнчи вăрмансенчи пушара сÿнтернĕ çĕре хутшăннăшăн ăна медальпе чысланă.

Евгений 2013 çултанпа Шупашкарти 4-мĕш пушар чаçĕнче хурал ертÿçин тивĕçĕсене пурнăçлать. Хастар та яваплăскер пушă вăхăта спорта халаллать. «МЧС ĕçченĕн кирек епле лару-тăрура та çынсене пулăшма хатĕр пулмалла. Ÿт-пĕве пиçĕхтерни усăллă. Чрезвычайлă лару-тăрура манăн командăна ертсе пымалла. Пысăк яваплăх ман çинче, çавăнпа йăнăшасран асăрханмалла. «Созвездие мужества» фестиваль йышши ăмăртусене хутшăнмаллах, унта професси шайĕ тĕрĕслев витĕр тухать», — каласа кăтартнă Евгений.

Пысăк лаптăка ярса илнĕ пушарсене сÿнтерме хутшăнакан лейтенанта «Пушарти паттăрлăхшăн» медальпе те наградăланă.

Источник: "Çамрăксен хаçачĕ"

Мой МирFacebookВКонтактеTwitterLiveJournalОдноклассники

Яндекс.Метрика

 

 

Система управления контентом
TopList Сводная статистика портала Яндекс.Метрика