08 августа 2017 г.
Тăван районăмăр хăйĕн 90 çулхи юбилейне паллă тăвиччен шутлă кунсем çеç юлчĕç. Чыслă хăнасене уява кĕтсе иличчен, планпа пăхнă мероприятисене хатĕрленсе çитиччен пурнăçламалли ĕçсем сахал мар-ха. Вĕсенчен пĕри _ халăх вăйĕпе, унăн хастарлăхĕпе пурнăçлакан кивĕ сăн ỹкерчĕксен куравĕ. Ку тĕлĕшпе паян та ĕç пырать-ха, çапах та çи телĕксĕр темелле. Çавăнпа та уйрăм хастарсем районăн 90 çулчченхи пурнăçне, унăн ĕç саманчĕсене, урамсен, предприятисен унчченхи сăн-сăпатне кăтартакан, культурăпа спорт мероприятийĕсене сăнлакан фотокадрсене район администрацийĕн организаципе тĕрĕслев органне çак кунсенчех çитерессе шанатпăр. Ырă пуçару харама каймĕ. Юхмапа Пăла тăрăхĕн историйĕшĕн тунă пархатарлă ĕç çитес ăру валли пысăк пуянлăх вырăнне архива юлĕ.
Источник: "Авангард" (газета Батыревского района)