Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Чăваш Енри çамрăк армеецсем Чулхула облаçĕнчен иккĕмĕш вырăнпа таврăннă

01 августа 2017 г.

1 Aug, 2017

Атăлçи федераци округĕнчи çамрăк армеецсен «Гвардеец-1» çарпа спорт лагерĕн 2-мĕш сменинчен Чăваш Ен команди 2-мĕш вырăн йышăнса таврăнчĕ. Çамрăк армеецсемпе паян, çурла уйăхĕн 1-мĕшĕнче, республика Пуçлăхĕ Михаил Игнатьев тата вĕренÿпе çамрăксен политикин министрĕ Юрий Исаев тĕл пулчĕç.

Кăçал «гвардеецсен» лагерьне Чулхула облаçĕнчи Кстово хулинче йĕркеленĕ. Унта икĕ сменăра Атăл тăрăхĕнчи тĕрлĕ регионтан 700 ача пулнă, çар пурнăçĕпе тачă паллашнă. 19 куна тăсăлнă сменăра кашни кун вăйă-ăмăрту иртнĕ. Волейбол, футбол, баскетбол вылянă, тĕрлĕ дистанцисене чупса ăмăртнă, ишнĕ, турникрен туртăннă, çар тупăшăвĕсем пулнă. Тĕрлĕ хĕç-пăшалран тĕл пересси, мина шырасси, ăна сирпĕтесси, çывăрса тăнă хыççăн вырăна тирпейлесе тумланасси, çар хÿтлĕх форми тăхăнасси, автомат сÿтсе пуçтарасси т.ыт.

Республика Пуçлăхĕ гвардеецсене çитĕнÿпе саламларĕ, çар вăййисем ÿт-пĕве çеç мар, кăмăла та çирĕплетме пулăшнине каларĕ. Ачасем республика ертÿçине хăйсене кăсăклантаракан, канăçсăрлантаракан ыйтусене пачĕç.

Эльвира ИВАНОВА.

Источник: "Хыпар"

Первоисточник: http://hypar.ru/cv/chavash-enri-camrak-armeecsem-chulhula-oblacenchen-ikkemesh-vyranpa-tavranna

Мой МирFacebookВКонтактеTwitterLiveJournalОдноклассники
        

Ссылки на сайты партнеров размещены в разделе «Сайты партнеров»

Система управления контентом
TopList Сводная статистика портала Яндекс.Метрика