10 июня 2017 г.
Çĕртме уйăхĕн 12-мĕшĕнче пирĕн çĕршывра Раççей кунне паллă тăваççĕ. Тĕрлĕ мероприятисем ирттерме палăртнă, вăл шутра - пирĕн районта та. Чи пысăккисенчен пĕри - "Санăн сассу çĕршыв гимнĕнче" Пĕтĕм Раççей акцийĕ. Унта сĕнтĕрвăррисем те активлăн хутшăнĕç, пĕрле тăрса Раççей гимне мăнаçлăн шăрантарĕç. Акцие хутшăнма кăмăл тăвакансен 12 сехет тĕлне район центрĕнчи Культура лапамне пуçтарăнмалла. Çавăн пекех çав кун хулари Культура лапамĕнче "Раççей мĕнрен пуçланать." ỹкерчĕксен конкурсĕ, "Раççей манăн чĕремре" акци тата ытти мероприятисем иртĕç, А.Я.Эшпай ячĕллĕ кинотеатрта тематикăллă фильмсем е видеороликсем кăтартĕç, кунтах "Эпир - Раççей гражданĕсем" акци иртĕ, кинозала пыракансене Раççей ялавне ỹкернĕ хăюсем валеçсе парĕç.
И.ЛЬВОВ.
Источник: "Наше слово" ( Мариинско-Посадская районная газета)