23 мая 2017 г.
Районти ял хуçалăх предприятийĕсемпе фермер хуçалăхĕсенче, колхозсенче çураки ĕçĕсене вĕçлесе пыраççĕ. Майăн 22-мĕшĕ тĕлне хуçалăхсенче пĕрчĕллĕ тата пăрçа йышши культурăсене 10620 гектар акнă. Çакă палăртнин 93 проценчĕ чухлĕ. Пĕр çул ỹсекен курăксене 1171 гектар акнă. Çĕрулмине пурĕ 497 гектар лартнă. Ку енĕпе "Слава картофелю" агрофирма (80 гектар), "Рассвет" ЯХПК (100 гектар), "Комсомольские овощи" ООО (134 гектар), "Урожай" колхоз (90 гектар), Н.Самарин фермер хуçалăхĕ (90 гектар) уйрăмах хастар ĕçлеççĕ. "Искра" колхозра, "Рассвет", "Слава" ЯХПКсенче, Атласкинăн тата "Золотой колос" фермер хуçалăхĕсенче тăрăшакансем 104 гектар куккурус акнă.
Çурхи ака ĕçĕсене вăхăтра вĕçлесчĕ. Çĕрулмине çине тăрсах лартма тухмалла, нумай çул ỹсекен курăксене акассине те вăраха ямасан аван.
Ш.ЗЕЙНУТДИНОВ
Источник: "Каçал Ен"