Публикации » Кайăк грипĕнчен асăрханмалла

16 мая 2017 г.

Чăваш Енре кайăк грипĕн вирусĕ сарăлас хăрушлăх тухса тăнă. Сăлтавĕ - майăн 8-мĕшĕнче Тутарстанри "Лаишевский" кайăк-кĕшĕк комплексĕнче кайăк грипĕн А вирусĕн геномне тупса палăртни. Асăннă комплексра 5 пин пуç кайăк-кĕшĕк вилнĕ. Пĕтĕмпе вара унта 450 пин пуç чăх усраççĕ.

Тутарстан кỹршĕ регион, çавăнпа та Чăваш Еншĕн те пысăк хăрушлăх тухса тăрать. Çавна май ЧР патшалăх тĕп ветеринари инспекторĕ Сергей Скворцов районсенчи ветеринари учрежденийĕсене Тутарстанран кỹрекен çăмарта продукцине тĕплĕ тĕрĕслеме хушать. Чăваш Республикин ял хуçалăх министрĕ Сергей Артамонов вирус республикăна килесрен сыхланмалли мерăсене уямалли пирки асăрхаттарнă.

Источник: "Каçал Ен"