Аллă градус таранах
Пирĕн район территорийĕпе Аслă Отечественнăй вăрçă пуçлансан чавнă хÿтлĕх траншейи халĕ те инçене тăсăлать.
Хĕрĕх градусран иртекен сивĕсенче чавнă ăна теççĕ.
“Ял ĕçченĕнче” 2014 çулхи октябрĕн 3-мĕшĕнче пичетленнĕ “Нумай асаилÿ хăварнă” сăвăра манăн çапларах йĕркесем пур:
“Ах, сивĕсем ытла хаяр тăратчĕç, -
Аса илетчĕç аппапа анне, -
Вĕт аллă градус патнеллех анатчĕç,
Кашни кунах пăхаттăмăр ăна.
Градусникне ятарласа çаксаччĕ
Тĕп урама, пулать пăхма-пĕлме.
Ик ирхине вăл аллă кăтартсаччĕ,
Вара илсе тухмарĕç ĕçлеме”.
Аппа - пирĕн çемьери аслă хĕр Марье, 1919 çулхи (ăна эпир пурте “аппа” теттĕмĕр), Анна - ун хыççăнхи, 1921 çулхи.
Вĕсем Тенеяль сăртĕнче чавнă, кукамайсенче пурăннă.
Г.СОЛОВЬЕВ. Кивĕ Пуянкасси ялĕ