Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » «Çулталăк вĕрентекенĕ – 2017» çĕнтерÿçисене чысларĕç

23 апреля 2017 г.

 
23 Apr, 2017 | Вĕрентÿ

Ака уйăхĕн 22-мĕшĕнче Шупашкарти Ача-пăчапа çамрăксен пултарулăх керменĕнче республикăри педагог профессийĕн ăсталăхне палăртакан конкурссен пĕтĕмлетĕвĕ иртрĕ.

Йăлана кĕнĕ «Çулталăк вĕрентекенĕ» конкурс çумне юлашки çулсенче тĕрлĕ ытти номинаци хушăнсах пычĕ: педагогсен пĕрлĕхĕ çулталăкри чи лайăх воспитателе, класс ертÿçине, социаллă педагога, психолог-педагога, çамрăк вĕрентекене /педагог стажĕ виçĕ çултан ытла мар/ чыслас йĕркене çирĕплетрĕ.

Финала сумлă хăнасем те йышлăн пухăнчĕç. Вĕсен йышĕнче Чăваш Ен Пуçлăхĕ Михаил Игнатьев та пулчĕ. Хăйĕн сăмахĕнче вăл хальхи вăхăтра ĕçлекен педагогсен çитĕнекен ăрăва ăс-хакăл, кăмăл-сипет пуянлăхĕн никĕсĕ çинче пурнăçра чи пĕлтерĕшлисем чĕм хаклăхĕсем пулнине ĕнентермелли çинчен аса илтерчĕ.

Тÿресем конкурсантсене тĕплĕн хакланă хыççăн «Çулталăк вĕрентекенĕ -2017» ята Çĕрпÿри 2-мĕш шкулта историпе пĕлÿ паракан Лариса Семенова чи тивĕçли тесе йышăннă. «Çулталăк воспитателĕ» Шупашкарти 178-мĕш ача садĕнче вăй хуракан Наталия Машанова пулса тăчĕ. Чи лайăх класс ертÿçи - Çĕнĕ Шупашкарти 18-мĕш лицей вĕрентекенĕ Елена Порфирьева, социалă педагог — Етĕрне районĕнчи Тури Ачак вăтам шкулĕн ĕçченĕ Татьяна Яжейкина, психолог-педагог — Красноармейски районĕнчи Трак вăтам шкулĕн Анастасия Васильева. «Педагог дебючĕ» конкурс çĕнтерÿçи — Шупашкарти 19-мĕш шкулта дефектологра тăрăшакан Татьяна Мигушова.

Ирина ИВАНОВА

Источник: "Хыпар"

Мой МирFacebookВКонтактеTwitterLiveJournalОдноклассники
        

 

Система управления контентом
TopList Сводная статистика портала Яндекс.Метрика