14 апреля 2017 г.
Усал япалана никам та ыйтса илмест пулин те, тепĕр чухне пурнăçра унпа кĕрешме те тивет. Патăрьелĕнчи пĕрремĕш вăтам шкулта вĕреннĕ çак чиперкке патне виççĕмĕш çул ĕнтĕ учительсем уроксем ирттерме киле çỹреççĕ. Икĕ çулта чухнех шăмă чирĕпе нушаланма пуçланă хĕрачан сывлăхне паян Мускаври ятарлă наука центрĕнчи профессорсем сăнаса, пăхса, сиплесе тăраççĕ. Çак хĕрачан сывлăхĕ пирки Раççейĕ-пе паллă "Возрождение" фонд та сас панă-мĕн. Тен, вĕсенчен те малашне пулăшу килĕ. Анчах та паян тĕпренме пуçланă шăмăсене "чун" кĕртме ăста специалистсем пулни çеç çителĕксĕр. Хăватлă та хаклă эмелсем туянма кĕмĕлĕ те нумай кирлĕ. Тĕрĕссипе, ку таранччен ашшĕпе амăшĕ мехел, укçа-тенкĕ çитерсе сипленнин усси пур. Тепĕр тăватă уйăх сиплев курсне ирттерме пулăшу кĕтет çак çемье.
Ыркăмăллăхпа алă тăсса пулăшас текенсен 42307810875004896686 номерлĕ счет çине укçа куçарма ыйтатпăр.
Источник: "Авангард" (газета Батыревского района)