14 декабря 2016 г.
Тĕнчери футбол кунне халалласа тăвайсем иртнĕ шăматкун вăрмарсем чĕннипе кỹршĕ района футболла выляма тухса кайрĕç.
50 çултан иртнĕ ветерансем Григорий Яковлевич Гаврилов, Валерий Иванович Ильин, Иван Григорьевич Степанов, Морис Михайлович Андреев, Юрий Иванович Павлов, Владимир Николаевич Гордеев, Олег Николаевич Егоров хаваспах кăмăл турĕç выляма.
Вăрмар поселокĕнчи центрти спортзалра иртрĕ туслă ăмăрту, хĕрỹлĕхпе палăрса тăчĕ. Тăвайсен ăсталăхĕ те, вăй-халĕ те çителĕклĕ пулчĕ тесе калас килет вăййа 7:6 шутпа вĕçлесе, вăрмарсене çĕнтерме. Анчах çакăншăн кỹршĕсем те кỹренмерĕç, эпир те кăмăллă юлтăмăр. Юлашкинчен пĕрле пухăнса вĕри чейпе сăйлантăмăр.
Çитес эрнекун вăрмарсем пирĕн района килеççĕ, "Аль" ФСКра 16 сехетре пуçланĕ футбол тĕлпулăвĕ.
В.ИЛЬИН, футбол ветеранĕ.
Источник: "Ял ĕçченĕ"