02 декабря 2016 г.
Республикăра паян инвалидсен шучĕ 88 пин çынпа танлашать. Ку - Чăваш Енре пурăнакансен пĕтĕм йышĕн 7 проценчĕ. Çав шутран хăлха илтменнисем - 2 процент, куç курманнисем - 2 процент, кỹмепе усă куракансем - 3 процент. Юлашки виçĕ çулта социаллă инфратытăма вĕсемшĕн меллĕ тумашкăн тĕрлĕ бюджетран 478 миллион тенкĕ уйăрнă.
Пирĕн районта ватăсем вăхăтлăх пурăнакан 2 уйрăм ĕçлет, вĕсенче пурĕ 22 çын (11-шер) пурăнать. Н.Потаповапа (Кĕрше) Н.Николаева (Кармал) 92-шер çулта, чи çамрăкки - 49 çулта.
Кушкăри ватăсем вăхăтлăх пурăнакан уйрăмра аслисене О.Максимова, А.Ильина, С.Горностаева, Н.Семенова, И.Степанова пăхаççĕ. Тушкилти ваттисен çуртĕнче Т.Алексеева заведующи, В.Алексеев, А.Охотникова, Н.Семенова, Г.Токмакова ĕçлеççĕ.