28 октября 2016 г.
Иртнĕ кунсенче Изванка ялĕнче пурăнакан Ксения Анисимовна Гордеева хăйĕн сумлă юбилейне паллă турĕ. Ĕç ветеранĕ 90 çул тултарчĕ.
Ăна район администрацийĕн пуçлăхĕн социаллă ыйтусемпе ĕçлекен çумĕ Эдуард Николаев саламларĕ. Вăл Раççей Федерацийĕн Президенчĕн Владимир Путинăн саламне вуласа пачĕ. Ăна çирĕп сывлăх, юрату, вăрăм кун-çул сунчĕ. Çавăн пекех Ксения Анисимовнăна районти социаллă хÿтлĕх пайĕн специалисчĕ Фаина Трофимова тата Йăлкăш ял тăрăхĕн пуçлăхĕн çумĕ Светлана Иванова ăшшăн саламларĕç. Пурнăçра хастарлăхпа, çивĕчлĕхпе палăрнăшăн юбиляра асăнмалăх парнесем пачĕç.
К.Гордеева Элĕк районĕнчи Сурăмварри ялĕнче нумай ачаллă çемьере çуралса ÿснĕ. Вăрçă çулĕсенче вăл тăван хуçалăхра, вăрман ĕçленĕ çĕрте вăй хунă. Каярахпа Изванка ялĕн каччипе - Илья Гордеевпа - пĕр çемье çавăрнă, виçĕ хĕрпе пĕр ывăла кун çути парнеленĕ. Шел пулин те, Ксения Гордеевăн юратнă мăшăрĕ вăрçă çулĕсенче вăхăтсăр çĕре кĕнĕ. Паянхи кун Анатолий ывăлĕн çемйипе пурăнать. «90 çул вăл - ÿсĕм çулĕсем кăна-ха, чи кирли вара - çулсем иртнĕçем чунăм çамрăк юлни», - шÿтлет Ксения Анисимовна.
Источник: "Пурнăç çулĕпе" Аликовская районная газета