07 июня 2016 г.
Май уйăхĕн вĕçĕнче Республикăри ачасемпе çамрăксен библиотекинче çамрăк авторсен литература пултарулăхĕн «Çĕнĕ ятсем уçатпăр» республика конкурсĕн çĕнтерÿçисене чысларĕç. Конкурса республикăри 13 районтан тата 3 хуларан 44 çын хутшăннă. Вăл виçĕ номинаципе иртнĕ: проза, поэзи тата драматурги. «Проза» номинацире Мăн Вылă шкулĕнчен вĕренсе тухнă, халĕ Шупашкарта культура институтĕнче пĕлÿ илекен Инесса Шашкина «Икĕ тĕнче хушшинче» калавĕпе 3-мĕш вырăн çĕнсе илнĕ. Конкурса тăратнă чи лайăх хайлавсене «Çамрăксен хаçачĕ» тата «Тантăш» хаçатсенче, «Самант», «Тăван Атăл» тата «ЛИК» журналсенче пичетлĕç. Çавăн пекех Инессăн калавĕ район хаçачĕн страницисенче те кун çути курĕ.
Источник: "Пурнăç çулĕпе" Аликовская районная газета