01 июня 2016 г.
Ачасен шыва кĕнĕ чух мĕнле правилăсене пăхăнмалла? Мĕн çине ытларах тимлĕх уйăрмалла?
Çак ыйтусене район администрацийĕн ятарлă программăсен пайĕн пуçлăхĕ Г. ЛЮБИМОВ хуравларĕ:
- Ăшă çу кунĕсем пысăк тимлĕх ыйтни пирки никамăн та манма юрамасть. Çакна ăнлансах Раççейри Федераци саккунĕпе, Чăваш Республикин Министрсен Кабинечĕн йышăнăвĕ-хушăвĕпе килĕшÿллĕн 2016 çулта çуллахи шыва кĕмелли вăхăт çывхарнă май пирĕн район администрацийĕ те çуллахи шыва кĕмелли тапхăрта районти пĕвесемпе кÿлĕсенче хăрушсăрлăха пăхăнас йĕрке çинчен ака уйăхĕн 29-мĕшĕнче хушу кăларчĕ. Хускатнă ыйтусен вăхăчĕ çитнине кашниех куратпăр. Унта палăртнă тăрăх çу кунĕсем тата шыва кĕмелли вăхăт çитнĕ май çывăх вăхăтра ял тăрăхĕсен пуçлăхĕсен вырăнсенче çак ĕçсене туса ирттермелле е пурнăçламалла?
- шыва кĕмелли вырăнсене палăртса нормативлă право акчĕсем хатĕрлесе йышăнмалла;
- шыв çинчи хăрушсăрлăхпа ĕç планĕсем туса хатĕрлемелле;
- ял тăрăхĕсенче шыва кĕмелли тапхăрти хăрушсăрлăх йĕркипе ларусем ирттермелле;
- шыва кĕмелли вырăнсем хатĕрлесе унти кану йĕркине йĕркелемелле;
- шыва кĕмелли вырăнсене тĕрĕслесе тухмалла;
- çынсем массăллă шыва кĕнĕ вырăнсенче хăрушсăрлăх ыйтăвĕсемпе профилактика стенчĕсем уçмалла;
- халăха шыва кĕме юраман вырăнсем çинчен массăллă информаци хатĕрĕсем урлă маларах пĕлтермелле;
- шывра нумай ан пулăр;
- çырана ачасене пĕччен пăрахса ан хăварăр;
- ÿсĕрле шыва ан кĕрĕр;
- паллă мар вырăнта шыва ан чăмăр;
- хумсем вăйлă пулсан тата аслатиллĕ çумăр чух шыва ан кĕрĕр;
- массăллă шыва кĕмелли вырăнсенче ял тăрăхĕн активĕнчен тата медицина ĕçченĕсенчен дежурствăсем йĕркелемелле;
- массăллă информаци хатĕрĕсем урлă шыв çинчи хăрушсăрлăх правилисемпе тăтăш калаçусем ирттермелле.
Çĕртме уйăхĕнче "Шыв çинчи хăрушсăрлăх уйăхĕ" ирттересси те районта пурăнакансен шыв çинчи пĕрлехи хăрушсăрлăхĕпе çыхăннă.