26 апреля 2016 г.
Апрелĕн 24-мĕшĕнче Куславккари Культура керменĕнче хореографи коллективĕсен «Туслăх карти - 2016» фестиваль-конкурс иртрĕ. Ташăçсем «Ача-пăча хореографийĕ», «Хальхи ташă», «Эстрада ташши», «Спорт ташши», «Классикăлла ташă», «Халăх ташши» тата ытти номинацире палăрчĕç. Пирĕн район чысне Элĕкри «Централизациленĕ клуб тытăмĕ» учрежденири Лилия Ефимова ертсе пыракан «Рябинушки» тата Светлана Соколовăн «Топотушки» ташă ушкăнĕсем хÿтĕлерĕç. Ташăçсем тĕрлĕ номинацире тупăшрĕç. Республикăн тĕрлĕ кĕтесĕнчен килнĕскерсем 2-шер ташăпа сцена çине тухрĕç. Хĕрÿ те çивĕч тупăшура «Рябинушки» ташă ушкăнĕ 1-мĕш степеньлĕ лауреат ятне çĕнсе илчĕ. Ачасем вара 2-мĕш степеньлĕ дипломант пулса тăчĕç.
Источник: "Пурнăç çулĕпе" Аликовская районная газета