15 апреля 2016 г.
Тĕнче уçлăхĕнче пĕрремĕш çын пирĕн çĕршыв гражданинĕ Ю.А.Гагарин пулнă. Ăна Совет Союзĕн Геройĕ ятне панă.
Чутейри ял библиотекипе шкул тачă çыхăнса космонавтика кунне паллă турĕç. Хитре капăрлатнă класа пырса кĕрсен тĕнче уçлăхне лекнĕн туйрĕç ачасем. Малтанах пуçламăш классене вĕрентекен В.Куприянова космос çинчен каласа пачĕ. 2-мĕш классен учителĕ Е.Николаева "Асамлă космос" презентаци кăтартрĕ, Ю. Гагарин пурнăçĕпе паллаштарчĕ, викторина ирттерчĕ. Унтан ачасем космоса «вĕçрĕç", инопланетянсем пурăнакан планета çине те çитсе курчĕç. Вĕсем хăйсен чĕлхипе анчах калаçаççĕ иккен. Çул çÿревçĕсене парне парса ячĕç.
Ачасем икĕ командăна пайланса тĕрлĕ вăйăсем вылярĕç. Н.Матвеева библиотекарь викторинăра çĕнтерекенсене дипломпа чысларĕ, çамрăк конструкторсене медальсем пачĕ. Космос темипе ирттернĕ ыйтусем çине М,Козлова, К.Шамбулина, К.Рожков, Н.Сорокин, К.Мясникова аван хуравларĕç. Чи маттурри вара 3-мĕш класра вĕренекен В.Краснова пулчĕ.
З.Иванова.
Чутей ялĕ.