22 апреля 2016 г.
«Çемье - халăхпа патшалăх тĕревĕ», - тенĕ чăвашсене çутта кăлараканĕ И.Я. Яковлев. Çитĕнекен ăрăва хăйсен йăх-несĕлĕ çинчен пĕлме пулăшас, тĕпчев ĕçне хăнăхтарас тĕлĕшпе Элĕкри ачасемпе çамрăксен пултарулăх центрĕ «Манăн йăх-несĕл» конкурс ирттерчĕ. Кăçалхи январь-апрель уйăхĕсенче районти пĕтĕмĕшле пĕлÿ паракн 11 шкултан тата Элĕкри «Çăлкуç» тата «Хĕвел», Тавăтри «Пучах» ача сачĕсенчен 40 ытла ĕç килнĕ. Конкурса хутшăннисем хăйсен ÿкерчĕкĕсенче, ал ĕçĕсенче йăх-несĕлне туллин сăнласа кăтартнă. Вĕренÿ учрежденийĕсенче вăтам тата аслă классенче пĕлÿ илекенсем чăн-чăн тĕпчев ĕçĕсем çырнă. Унта вĕсем темиçе ăру кун-çулне туллин çутатса панипе пĕрлĕх çемьери йăла-йĕрке çинчен те çырса кăтартнă.
Олимпиада ЛАЗАРЕВА,
ачасемпе çамрăксен пултарулăх центрĕн
директорĕ.
Источник: "Пурнăç çулĕпе" Аликовская районная газета