05 апреля 2016 г.
Чăваш халăхĕ мĕн авалтанах ал ĕç ăсти пулнипе палăрса тăнă. Ку туртăм ĕмĕрсем иртсен те сĕвĕрĕлмен пирĕнте. Кашни ялта тенĕ пекех чăн-чăн ăстасем пурах. Йăлкăш ял тăрăхĕнче те йышлă вĕсем. Вырăнти фельдшерпа акушер пунктĕнче ĕçлекен Альбина Борисова, тĕслĕхрен, вĕтĕ шăрçасемпе тĕрлĕ ÿкерчĕк эрешлет, мăй çыххисем маçтăрлать. Уйкасри Нина Матвеева вара хĕреслетсе тĕрлĕ эреш тăвать. Çывăх çыннисен портречĕсене те йĕппе-çиппе «ÿкерет». Çÿлерех асăннă ялти Анатолий Якимов вара йывăçран тĕрлĕ япала хатĕрлет, сĕтел-пукан ăсталать, шкатулкăсем тăвать. Ăстасен ĕçĕсемпе паллаштарас тĕлĕшпе библиотекăра курав та йĕркелерĕмĕр. Çавăн пекех ачасене те ал ĕçне хăнăхтарассине тĕпе хуратпăр. Çак тĕллевпех вулавăш çумĕнче кружок йĕркелерĕмĕр. Кунта халĕ пĕчĕккисемпе Мăнкуна хатĕрленсе çекĕлпе «çăмартасем» çыхатпăр.
В. ЧЕРЕНДЕЕВА,
библиотека заведующийĕ.
Источник: "Пурнăç çулĕпе" Аликовская районная газета