Публикации » Çĕнтерÿçĕсем - Ураскилтрен тата Мăн Вылăран

22 марта 2016 г.

Çулсеренех районта «Чи класлă класс ертÿçи» конкурс ирттеретпĕр. Асăннă мероприяти вĕренÿ учрежденийĕсенчи класс ертÿçисем хăйсене çирĕплетсе панă вĕренекенсемпе мĕнле çыхăнура пулнине палăртма май парать. Çавăн пекех ашшĕ-амăшĕпе шкул мĕнле ĕçлесе пынине те кăтартать. Кăçал унта районти 8 шкулти класс ертÿçисем хутшăнчĕç. Мартăн 16-мĕшĕнче вĕсен ĕçĕсене пăхса тухса республика конкурсĕн районти тапхăрне пĕтĕмлетрĕмĕр. 25 çула çитменнисен ушкăнĕнче Ураскилт вăтам шкулĕнче ют чĕлхе предметне вĕрентекен Ольга Александровна Иванова çĕнтерчĕ. 25 çултан аслисен йышĕнче Мăн Вылăри биологипе хими вĕрентекенĕ Татьяна Анатольевна Терентьева мала тухрĕ. Çитес вăхăтра вĕсем район чысне Шупашкарта хÿтĕлĕç.

Л. КУЗНЕЦОВА, районти вĕренÿ пайĕн методисчĕ.

Источник: "Пурнăç çулĕпе" Аликовская районная газета