Публикации » Ачасем юмах лартрĕç

16 февраля 2016 г.

Элĕкри «Çăлкуç» ача сачĕ хĕрачасемпе арçын ачасен пултарулăхне аталантарма пулăшас тĕллевпе тĕрлĕ мероприяти ирттерет. Воспитательсемпе музыкăна ертсе пыракансем тăрăшнипе иртнĕ кунсенче пĕчĕк артистсем юмахсем лартрĕç. Куракан умне «Красная шапочка на новый лад» юмахпа «Теремок» аслă ушкăн (воспитателĕ - Ирина Андреева, музыкăна преподавателĕ - Елена Иванова) тухрĕ. Ачасем хăйсене шанса панă сăнарсенче лайăх вылярĕç. «Бабочки» вăтам ушкăна çÿрекенсем те (воспитателĕ - Людмила Васильева) «Рукавичка» юмахпа тĕлĕнтерчĕç. Пĕчĕк артистсем сăнарсене ăста калăпланипе пурне те тыткăнларĕç.

Источник: "Пурнăç çулĕпе" Аликовская районная газета