04 февраля 2016 г.
Журналистсемшĕн хамăрăн çамрăк ĕçтешсем тĕрлĕ конкурссенче çитĕнÿ туни питĕ палăракан пулăм.
Çак кунсенче Вăрмар районĕн официаллă сайтĕнчен çакăн пек савăнăçлă хыпар илтĕмĕр - ачасемпе çамрăксен туризмне аталантаракан Çĕнĕ Шупашкарти центрта регионсем хушшинчи шкул хаçачĕсен «Школа-пресс-2016» пултарулăх конкурсĕ иртнĕ. Ăна ирттерме Чăваш Республикин информаци политикипе массăллă коммуникаци хатĕрĕсен министерстви, «Грани» хаçат пысăк тÿпе хывса пулăшнă.
Хаклава ЧР информаци политикипе массăллă коммуникацисен министрĕ А.Иванов хутшăннă. «Ял шкулĕнчи чи лайăх хаçат» номинацире Аслă Чакри пĕтĕмĕшле пĕлÿ паракан тĕп шкулта «Шкул карапĕ» хаçат кăларакансем иккĕмĕш вырăн йышăннă. Çак ĕçре вырăс чĕлхипе литературине вĕрентекенĕн И.Яковлеван тÿпи те питĕ пысăк.
Источник: "Урмарская районная газета"