02 марта 2013 г.
Арапуçĕнчи хоккей площадкинче ял тăрăхĕн пуçлăхĕн призĕсене çĕнсе илессишĕн, Тăванçĕршыв хÿтĕлевçин кунне халалланă хоккей турнирĕ иртнĕ.
Ăмăртăва ял тăрăхĕнчи 4 команда хутшăннă: «Ветерансем», «Ял çамрăкĕсем», «Студентсем», «Шкул ачисем». Тупăшу пуçланас умĕн спортсменсене ял тăрăхĕн пуçлăхĕ А.Агеев саламласа пурне те çитĕнÿ тума суннă. Çамрăксем валли çул уçă тенĕ пекех «Ял çамрăкĕсем» команда пĕрремĕш вырăна тухнă, «Ветерансем» - иккĕмĕшсем, «Студентсем» - виççĕмĕшсем. «Шкул ачисем» тăваттăмĕш вырăнта. Пур команда та Хисеп грамотисемпе парнесене тивĕçнĕ.
Источник: "Урмарская районная газета"