14 июля 2015 г.
Çумăрлă çанталăк вăраха кайни уй-хир ĕçĕсенче пысăк чăрмав кÿрет. Июлĕн 13-мĕшĕ тĕлне илсен, районти хуçалăхсенче нумай çул ÿсекен курăксене 3250,0 гектар (83,5 процент) çулнă.
Утă пĕтĕмпе 2030 тонна (79,3 процент) хатĕрленĕ. Ку енĕпе «Алмаз» общество лайăх ĕçленĕ, тутлăхлă апата 160 тонна (160 процент) янтăланă. Сенаж 6300 тонна (122,8 процент) хывнă. Ăна хатĕрлессипе «Авангард» хуçалăх (600 тонна), «Новый путь» хуçалăх (5700 тонна) кăна ĕçленĕ. Силос 1000 тонна (16,4 процент) янтăланă. Ку енĕпе «Авангард» (500 тонна), Ульянов ячĕллĕ хуçалăх (500 тонна) çеç вăй хунă.
Источник: "Пурнăç çулĕпе" Аликовская районная газета