13 мая 2015 г.
Аслă Çĕнтерÿ 70 çул тултарнă ятпа Мускавра Тăван çĕршыв историйĕсенчи чи пысăк пĕлтерĕшлĕ çар парачĕ пулчĕ. Майăн 9-мĕшĕнче ăна районта пурăнакан çĕршер çын телевизорпа савăнса та хумханса пăхрĕç. Вĕсене Элĕк каччи Максим Петрович Степанов курсант, Федераци хăрушсăрлăх службин пĕр институтĕнче питĕ ăнăçлă вĕренекенскер тата спортпа туслăскер, иккĕмĕш хут парад участникĕ пулни те хавхалану кÿчĕ. Ентеш, шăп çулталăк каялла Хĕрлĕ лапамри чул сарнă çулпа трибуна умĕпе çирĕп утăмпа иртнĕскер, кăçал каллех пин-пин салтак ушкăнĕнче стройпа утрĕ.
Источник: "Пурнăç çулĕпе" Аликовская районная газета