08 октября 2014 г.
Кашни çын пурнăçĕнче чун- чĕрене çывăх, асра юлакан пулăмсем пур. Вĕсенчен пĕри – ача çурални. Çут тĕнчене пĕрре кăна мар, иккĕн харăсах килнĕ пулсан- икĕ хут савăнăç.
Çак кунсенче район администрацийĕнче ЗАГС пайĕнче кăçалхи йĕкĕрешсене регистрацилерĕмĕр. Икĕ хутчен хĕпĕртемелли вара Тавăт ялĕнчи Олег Ивановичпа Галина Георгиевна Семеновсен çемйинче пулчĕ. Вĕсен çемйинче пĕрремĕшсем – Степан тата Роман çуралчĕç. Çавăн çинчен çырнă свидетельствăна, ăшă сăмахсем каласа, мĕн пур ыррине, çирĕп сывлăх сунса, савăнăçлă Лару-тăрура ашшĕне тытартăмăр.
Çемье пĕлтерĕшĕ питех те пысăк. Ырă пурнăç, юрату хуçаланннă çĕрте ача чăн – чǎн çын пуласси паллă. Çемье яланах патшалăх тĕрекĕ пулнă, пулать те. Çĕр – шыв интересĕсене тĕпе хурса, çемьесене ăнăçлǎ, телей тума тăрǎшмалла.
Источник «Пурнăç çулĕпе»