03 сентября 2014 г.
Çурла уйăхĕнче Элĕк район администрацийĕн ЗАГС пайĕ 68 гражданла акт çырнă. Вĕсенчен 14-шĕ ача çурални, 28-шĕ вилни çинчен. Çут тĕнчене килнĕ пепкесенчен 2-шĕ çемьере иккĕмĕшсем пулсан, 4-шĕ - виççĕмĕшсем, 8-шĕ - пĕрремĕшсем. Ашшĕ пулнине çирĕплетсе 4 акт çырнă. Хут уйăрттарса пĕрлешекенсем 18-ăн пулнă. 17 мăшăр хăна-вĕрле пуçтарса пĕр çемьене чăмăртаннă. Тăватă çемье суд йышăнăвĕпех уйрăлнă.
Çурла уйăхĕнче хĕрарăмсем арçынсенчен ытларах вилнĕ. Арçынсен вăтам пурăнаслăхĕ 48 çулпа танлашнă пулсан, хĕрарăмсен - 80 çулпа.
Источник: "Пурнăç çулĕпе" Аликовская районная газета