31 мая 2014 г.
Чăваш Ен Ял хуçалăх министерстви фермер ĕçне пуçăнакансене патшалăхран пулăшу парассипе ирттернĕ конкурса пĕтĕмлетнĕ. Ку пулăшу вăл - хресчен (фермер) хуçалăхне йĕркелесе аталантарма грант тата кил-хуçалăха йĕркелеме майсем туса пани.
Конкурса пирĕн районти 5 хресчен (фермре) хуçалăхĕ хутшăннă. Ку ĕçе пуçăнакансемпе тĕл пулса калаçнă чухне экспертсем конкурс ĕçĕсене тĕплĕн тишкерсе тулли хак панă. Конкурс комиссийĕн пĕтĕмлетĕвĕ: чи нумай балл пухаканнисем Александр Михайлов (вăл пахча-çимĕç çитĕнтерессипе ĕçлет) тата сурăхсем ĕрчетессипе тăрăшакан Сергей Романов.
Источник: "Пурнăç çулĕпе" Аликовская районная газета