24 мая 2014 г.
Районти хуçалăхсенче выльăх-чĕрлĕхе уй-хире кăларма пуçларĕç. Пуринчен малтан ĕнесене «Новый путь» ял хуçалăх кооперативĕнче çаран çине илсе тухрĕç. Кунта вĕсене «электрокĕтÿçĕсем» кĕтеççĕ. Вĕсем çаран тăрăх хăвăрт куçса çÿреççĕ, вырнаçтарма ансат, выльăхсене шанчăклă хÿтĕлеççĕ. Картине вырăнтан вырăна куçарма çăмăл, кĕтÿ апатран тулăх, ĕнесем часах ÿт хушаççĕ. Кĕтÿçĕсем итлемен выльăхсем хыççăн чупмаççĕ халĕ, вĕсем мĕн чухлине те шутлама кирлĕ мар. Пысăк кĕтĕве пĕр кĕтÿçех пăхса çÿрет.
Çак кунсенче выльăхсене Ульянов ячĕллĕ, «Правда», «Авангард» хуçалăхсенче те çаран çине илсе тухнă.