17 мая 2014 г.
Çак синкерлĕ вăхăтра 1-мĕш класлă лăсăллă çамрăк хунавсем çывăхĕнче, кивĕ йывăçсене çунтарнă вырăнсенче, вăрман сиенленнĕ лаптăксенче, торфянниксенче, типĕ курăклă вырăнсенче, йывăçсен айĕнче кăвайтсем чĕртме юрамасть.
Çавăн пекех пушар тухас хăрушлăх вăхăтĕнче вăрманта шăрпăксем, пирус тĕпĕсене пăрахма юрамасть. Çÿлерех çырнисене пăхăнмасан административлă яваплăх тыттараççĕ. Каласа хăварас килет, шăрăх вăхăтра хуçалăх ĕçченĕсем тĕрлĕ мероприятисем туса ирттереççĕ: халăха пĕлсе тăма кăтарту агитацийĕ йĕркелеççĕ, вăрмана автотранспортпа кĕме юраманни çинчен шлагбаумсем лартса тухаççĕ, кану вырăнĕсене уйăрса хăвараççĕ, вут-çулăм ан сарăлтăр тесе вăрмансем çывăхĕнче çереме сухалаççĕ, çуркуннепе кĕркунне йывăçсем лартнă хĕррипе типĕ курăка тасатса тухаççĕ.
Граждансене вăрманта кансан хăйсем хыççăн вырăна таса, тирпейлĕ хăварнăшăн, вăрман çунма пуçланни çинчен вăхăтра пĕлтернĕшĕн, сÿнтерме пулăшнăшăн тав тăвас килет.