22 января 2014 г.
Чăваш Республикин вĕренÿ министерствин «Эткер» центрĕ шкул çулне çитмен тата кĕçĕн классенче вĕренекен ачасем хушшинче «Çут çанталăк тата ачасем – пĕр çĕр чăмăрĕ çинче» конкурс ирттернĕ пулнă, унта «Теремок» ача садĕнчи А.Павлова 3-мĕш вырăн йышăннă. Çавăн пекех аслă ушкăнри К.Васильевпа А.Павлова «2014 çулăн символĕ» пултарулăх конкурсĕнче пĕрремĕш вырăнсене тивĕçнĕ. Вĕсене Вăрмар район администрацийĕн Хисеп грамотисемпе наградăланă.
Ача сачĕн пĕрремĕш категориллĕ воспитателĕ Светлана Вавилоновна Михайлова «Раççей çыннисем – космосра» Раççей шайĕнчи конкурса хутшăннă, «Чăваш космонавчĕ» темăпа урок презентаци йĕркеленĕшĕн 1 степеньлĕ Диплома тивĕçнĕ.
Источник: "Урмарская районная газета"