23 октября 2013 г.
Çак кунсенче Анат Чаткасри пĕтĕмĕшле пĕлÿ паракан тĕп шкулта, «Полици тата ачасем» акцин иккĕмĕш тапхăрне малалла тăсса, районти полици уйрăмĕн çул çитменнисемпе ĕçлекен инспекторĕпе Н.А.Мазяковапа черетлĕ тĕл пулу йĕркеленĕ.
Районти профилактика субъекчĕсемпе пĕрле шкулта «Çул çитмен çамрăк тата саккун» темăпа калаçу ирттернĕ. Полици капитанĕ вĕренекенсене кăсăклантаракан ыйтусем çине те хуравланă, преступленисем тăвасран, административлă йĕркене пăсасран асăрхаттарнă.
Пĕтĕмлетсе каласан, тĕл пулу ачасемшĕн вырăнлă та усăллă пулнă.
Е.БАКИНА.
Источник: "Шăмăршă хыпарĕ"