Красночетайское сельское поселениеОФИЦИАЛЬНЫЙ САЙТ

429040, Чувашская Республика, Красночетайский район, с.Красные Четаи, пл.Победы, д.9 тел.8(83551)2-13-61, 2-12-53

krchet-krchet@cap.ru

Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Туртнăшăн – çĕнĕ штрафсем

01 ноября 2013 г.

Ноябрĕн 15-мĕшĕнчен табак туртассине хирĕç кĕрешмелли саккуна пăснăшăн çĕнĕ штрафсем вăя кĕреççĕ. Çавăн пекех реклама пирки калакан саккуна та улшăнусем кĕртнĕ – текех табака пачах та рекламăлама юрамасть.

Туртнине сăнлакан мультфильмсемпе тата киносемпе мĕн тумалли пирки чылай хушă тавлашнă хыççăн çакăн пек йышăннă: халĕччен тухнă фильмсем мĕнле пулнă, çаплипех юлччăр, çĕннисенче вара чарусем пулмалла.

Çапла вара ачасем валли çĕнĕрен тухакан кино-, радио-, телефильмсенче тата ятарлă программăсенче чĕлĕм туртнине сăнлани тата табака рекламăлани пач та пулмалла мар. Çакна пăхăнман авторсене питĕ пысăк штраф кĕтет.

Аслисем валли кăларакан фильмсемпе программăсенче те туртнине сăнлас енĕпе чарусем пур. Çапах та, калăпăр, фильмăн содержанийĕпе, шухăшĕпе туртни, табака сăнлани кирлех пулсан, çакна тума юрать.

Обществăлла вырăнсенче туртнăшăн малашне вăтамран 500-1000 тенкĕлĕх штраф парĕç. Табак туртассине хирĕç кĕрешмелли саккуна пăсни ачасене пырса тивет пулсан вара явап тата пысăкланать. Çул çитмен çамрăка пирус сутнăшăн граждансене 3-5 пин тенкĕлĕх штрафлĕç, должноçри çынсене – 30-50 пин тенкĕлĕх, юридици сăпачĕсене – 100-150 пин тенкĕлĕх.

Ача-пăча площадки çинче туртакансен 2-3 пин тенкĕ кăларса хума тивĕ. Аслă çулхи çын ачана сигарет сĕнсен ăна 2 пин тенке яхăн штрафлĕç.

Пĕр-пĕр организаци территорийĕнче "Туртма юрамасть" тесе çырса çакнă-тăк, анчах та кунта çав-çавах кам та пулин туртсан, организаци ертÿçин штраф тÿлеме тивĕ. Ĕçпе тивĕçтерекенĕн çавăн пекех туртакансем валли ятарласа вырăн уйăрса хатĕрлемелле. Çапла тумасан ăна каллех явап тыттарма пултараççĕ.

А.ТИМОФЕЕВА.

Мой МирFacebookВКонтактеTwitterLiveJournalОдноклассники
Система управления контентом
429040, Чувашская Республика, Красночетайский район, с. Красные Четаи
Телефон: 8(83551) 2-13-61
TopList Сводная статистика портала Яндекс.Метрика