09 октября 2013 г.
Ял çыннисем харпăр хăй хушма хуçалăхне аталантарса пыни куç умĕнчех. Çултан-çул уйрăм хуçалăхсем тĕрекленсе, вăй илсе пыраççĕ. Чылайăшĕ, паллах, çак тĕлĕшре патшалăх пулăшăвĕпе усă курать.
Акă, октябрĕн 1-мĕшĕ тĕлне çăмăллăхлă кредитсемпе районти 531 уйрăм хуçалăх усă курнă, 105,1 миллион тенкĕлĕх кредит илнĕ. Патшалăх пулăшăвĕпе уйрăмах Ачкасси (68 хуçалăх кредит илнĕ) , Атнар (55), Питĕркасси (48) ял тăрăхĕсенче пурăнакансем активлă усă кураççĕ.
Хушма хуçалăх тытса пыракансене районта виçĕ банк кредитсемпе тивĕçтерет. Сăмахран, октябрь уйăхĕ тĕлне Раççей Перекет банкĕ 285 çăмăллăхлă кредит 51661 пин тенкĕлĕх панă. Раççей ял хуçалăх банкĕ – 245 çăмăллăхлă кредит 53145 пин тенкĕлĕх, Чăвашкредитпромбанкăн уйрăмĕ – 300 пин тенкĕлĕх пĕр кредит.
Патшалăх уйăрса панă укçа-тенкĕпе халăх ытларах ял хуçалăх техники, выльăх туянать, выльăх-чĕрлĕх усрамалли хуралтăсене çĕнетет.
А.Замуткина