04 сентября 2013 г.
Районти хуçалăхсенче уй-хир ĕçĕсем вăй илсех пыраççĕ. Сентябрĕн 3-мĕшĕ тĕлне илсен, тĕш тырă культурисене пухса кĕртесси вĕçленнĕ.Хĕрÿ ĕç шавĕ çĕр улми уйĕсене куçнă. «Иккĕмĕш çăкăра» пурĕ 394 гектар (42,8 процент) кăларнă.Ку енĕпе С.Волков ертсе пыракан хресчен-фермер хуçалăхĕ малта пырать, планпа палăртнă 150 гектар вырăнне 83 гектар (55 процент) кăларнă. «Журавлев» хуçалăхра та çĕрулмие 110 гектар (50 процент) пухса кĕртнĕ.Кĕр тыррисене 1420 гектар (49,3 процент) акнă. Ака ĕçĕсем «Новый путь», «Правда», Ульянов ячĕллĕ хуçалăхсенче ăнăçлă пыраççĕ.Кĕрхи çĕртме сухине 814 гектар пурнăçланă.
Источник: "Пурнăç çулĕпе" Аликовская районная газета