24 июля 2013 г.
Утă уйăхĕн 17-мĕшĕнче Хусанта савăнăçлă лару-тăрура çуллахи Универсиадăна хупнă. Раççей спортсменĕсем хальхинче нихçан пулман çитĕнÿ тунă, 155 ылтăн медаль (мĕнпурĕ 292) çĕнсе илнĕ. Универсиада хуçисен ытти медалĕсем çапларах вырнаçса тухнă, кĕмĕл медаль – 75, бронза - 62. Командăпа çĕнсе илнĕ иккĕмĕш вырăнта – Китай спортсменĕсем (26 ылтăн медаль). Виççĕмĕш вырăна вара Япони спортсменĕсем тивĕçнĕ (24 ылтăн медаль). Хусанти чаплă, пысăк ăмăртусенче ăнăçлă кĕрешнĕ Раççей студенчĕсемпе эпир хытă мухтанатпăр, çав шутра – хамăрăн Чăваш Ен спортсменĕсемпе те.
Источник: "Наше слово" ( Мариинско-Посадская районная газета)