31 июля 2013 г.
Хальхи çамрăксене «тÿр пилĕк» тетпĕр те, анчах пурин пирки те çапла калаймăн. Çĕнĕ Чукалти А.Николаевах илер-ха, акă. Çирĕм урлă çеç каçнăскер, чăннипех ылтăн алăллă Саша. Вăл тума пĕлмен ĕç те çук пулĕ: машина-трактор çÿретет, хăех юсать. Кунсăр пуçне вăл ăста строитель те: кирпĕч хурать, штукатур вăрттăнлăхĕсене те алла илнĕ, пуртă-сава вара выляса çеç тăраççĕ. Çынсене те хаваспах пулăшать маттур йĕкĕт, пĕр ĕçрен те ÿркенсе тăмасть.
– Чăннипе маттур йĕкĕт, – теççĕ ун пирки ялта пурăнакансем. – Çамрăкпа – çамрăк, ватăсемпе те пĕр чĕлхе тупма пĕлет.
Н.УЛЮКОВ.
Источник: "Шăмăршă хыпарĕ"