15 мая 2013 г.
Районти пур ял тăрăхĕсенче те граждансен пухăвĕсем иртрĕç. Унта тĕрлĕ йышăнусем турĕç.
Акă, Урмаел ял тăрăхĕнче пухура çакăн пек йышăну туса хăварнă: кăçалхи июнĕн 1-мĕшĕнчен пуçласа август уйăхĕ вĕçлениччен суту-илÿ точкисенче эрех-сăра сутма чарса лартас.
Иртнĕ кунсенче Урмаелсем йышăну хыççăн район администрацийĕн тата район пуçлăхĕсен Михаил Афанасьевпа Евгений Карпеев, район прокурорĕ Владимир Николаев ячĕсемпе асăннă ял тăрăхĕнче хаяр шĕвексене сутма чарма ыйтса (обращени) çырнă. Вĕсем: Урмаел мухтасибатăн мухтасибĕ Хаджи Фанис Хазрат Сафиуллин, ЧР тутарсен Комсомольски районĕнчи наципе культура автономийĕн председателĕ Ферит Гибатдинов, Урмаел тата Тукай Мишер ялĕсенчи обществăлла советсен председателĕсем, район депутачĕсен Пухăвĕн депутачĕсем А.Шакиров, Н.Мифтахутдинов, С.Мифтахутдинов, шкулсен директорĕсем тата имамсем.
Шанатпăр, сывă пурнăç йĕркишĕн тăрăшакансен сассине районти пуçлăхсем илтсе тĕрĕс йышăну тăвĕç.
Источник: "Каçал Ен"