Публикации » Çĕршыв тимлĕх уйăрать

Инвалидсен йышĕнче тĕрлĕ нушалли пур. Çакăн пек çынсене ытларах тимлĕх уйăрас тĕллевпе декабрĕн 3-мĕшĕнче Пĕрлештернĕ Нацисен Организацийĕн Генеральнăй Ассамблейи Раççей сĕннипе 1992 çулта çулсерен инвалидсен кунне палăртма йышăннă. Çак куна Арапуçĕнчи вăхăтлăх пурăнмалли уйрăмра та паллă турĕç. Кунта 6 инвалид пурăнать, анчах та вĕсем пĕрре те алă усса лармаççĕ, ал ĕçĕ тăваççĕ, уйрăмра иртекен тĕрлĕ мероприятисене хутшăнаççĕ.

Инвалидсен кунĕ ячĕпе васкавлă социаллă пулăшу паракан уйрăм специалисчĕ А.Иванова, вăхăтлăх пурăнмалли уйрăм заведующийĕ Л.Софронова, Арапуçĕнчи культурăпа кану центрĕн директорĕ Л.Агеева ăшă сăмахсем каласа ватăсене ырлăх-сывлăх, вăрăм кун-çул сунчĕç.