Публикации » Тыл ĕçченне — Раççей Президенчĕн саламĕ

12 сентября 2012 г.

Кăçал юбилейĕсене паллă тăвакан Аттелĕхĕн Аслă вăрçин ветера-нĕсене, тыл ĕçченĕсене Россия Президенчĕн ятран çырнă саламĕсем района тăтăшах килеççĕ. Хальхинче çакăн пек хаклă çыру Урмаел ялĕнче пурăнакан Шемсинур Шайдулловна Хайбуллина ячĕпе килнĕ. Кинемей сентябрĕн 8-мĕшĕнче 90 çул тултарнă. Тыл ĕçченне юбилей ячĕпе саламлама район администрацийĕн социаллă хÿтлĕх пайĕн начальникĕ Ираида Никитина, ял хуçалăх пайĕн тĕп эксперт специалисчĕ Шамиль Зейнутдинов, Урмаел ял поселенийĕн ĕçченĕ Ильхамия Мухаметшина çитнĕ. Вĕсем Шемсинур Шайдулловнăна В.В.Путинăн персоналлă саламне панă, асăнмалăх парне тата чечек çыххисем парнеленĕ. Ырлăх-сывлăх, вăрăм кун-çул суннă.

Источник: "Каçал Ен"