25 августа 2012 г.
Район юбилейĕн программи пуян пулнине хаçат страницисенче сахал мар палăртатпăр. Уявра чылай савăнăçлă мероприяти пулнипе танах нумайăшĕ Хисеп грамотисемпе Тав çырăвĕсем те илчĕç. Çавăн пекех уявра воин-интернационалистсене манманни те паха пулчĕ. Савăнсах палăртатпăр, уявра "Çамрăксене патриотизмла воспитани панишĕн" медале Афганистан çĕрĕ çинче пулнă Александр Хозайкинпа Юрий Егоров тивĕçрĕç. "Ветеран-интернационалист. Афганистан СДÇ" медальпе Александр Васюкова чысларĕç, "Совет çарĕсене Афганистанран кăларнăранпа 20 çул" медале Иван Сатлайкин илчĕ, "Сывлăш десант çарне 80 çул" медальпе Сергей Матвеева наградăларĕç. Раççейри Афганистанта пулнă ветерансен Канашĕн грамотисемпе Владимир Егорова, Николай Исправникова, Сергей Гусельщикова, Василий Афанасьева, Александр Хорайкина наградăларĕç.