Публикации » Республикăри ăмăртусенче

Футбол ветеранĕсен республикăри ăмăртăвĕсенче “Тăвай–Локомотив” умлă-хыçлă иккĕмĕш çухату тÿсрĕ (чăн та – лидерсенчен: пирвай “Стале” 0:1, хальхинче Ишлейри “Звездана” 2:4 шутсемпе выляса ячĕ). Командăн хальлĕхе 3 çĕнтерÿ, икшер çухатупа ничья.

“Дорстрой” футболисчĕсем Тăвайра Шупашкар районĕнчи “Абсолют” командăна йышăнчĕç. Тăвайсем хăйсен хапхине мечĕке пĕрремĕш кĕрттерсе ячĕç пулин те 2-мĕш таймра шута танлаштарса мала та сиксе тухрĕç (3:2, мечĕксен авторĕсем Р.Павлов, В.Антонов, Э.Буинцев), анчах ăна упраса хăварма пултараймарĕç. Хăнасемпе ăна пĕрешкел пайлама тиврĕ.

Тăрмăшсем вара килте Улатăрти “Спутнике” хоккейри пек пысăк шутпа парăнтарчĕç (7:0!). Хÿтĕлекен линире ăста вылянă Роман Васильев та хăнасен хапхине 2 мечĕк тапса кĕртме ĕлкĕрчĕ.