Публикации » Урмаелсем - маттуррисем

Çĕнĕ Шупашкарта А.Г.Николаев летчик-космонавта асăнса «Улăп-Космонавт» ятлă кĕрешÿ турнирĕ йĕркеленĕ. Ăмăртăва тĕрлĕ регионтан чи вăйлă кĕрешÿçĕсем хутшăннă. Унта пирĕн район чысне 8 спортсмен хÿтĕленĕ.

Кĕрешÿçĕсем тĕрлĕ виçен категорийĕнче вăй виçнĕ. 100, 90, 66 килограмм виçе категорийĕсенче Рашид Хамбиков, Рамиль Шакуров, Марсель Шарафутдинов ылтăн медальсем çĕнсе илнĕ. 70 килограмлисенчен Азат Тукаев «кĕмĕллĕ» пулнă.

Кĕрешÿçĕсене ăсталăха туптама Рашид Хамбиков тата Нежеметдин Сахров тренерсем пулăшнă. Çĕнтерÿçĕсене дипломсем тата хаклă парнесем парса чысланă.