Публикации » Элĕкре – черетлĕ фестиваль

Элĕкре халăх пултарулăхне аталантарассипе тĕллевлĕ ĕçлеççĕ. Кунта тĕрлĕ конкурспа фестиваль ирттересси,  çĕнĕ талантсене тупса палăртасси, вĕсене малашлăха çул уçса парасси йăлана кĕнĕ. «Тивлетлĕ тăван ен» черетлĕ фестиваль иртнĕ эрнере гала-концертпа вĕçленнĕ.

Элĕкри культурăпа кану центрне халăх пултарулăхне кăмăллакан йышлăн пухăннă. Тĕрĕссипе, вăл чăн-чăн уяв пулса тăнă. Унта вырăнти юрă-ташă ăстисем хăйсен пултарулăхĕпе савăнтарнă, ал ăстисен ĕçĕсенчен йĕркеленĕ курав та куракансене килĕшнĕ. Пухăннисем кашни номерех тăвăллăн алă çупса йышăннă. Жюри членĕсем пĕр сасăллă пулса пĕрремĕш вырăна Тавăт ял тăрăхĕнчи пултаруллă артистсем йышăннине пĕлтернĕ. Иккĕмĕш вырăнта – Тенисем, виççĕмĕшĕнче – Мăн Вылпа Шĕмшеш ял тăрăхĕсем.