Публикации » Лайăх кăтартупа таврăннă

13 ноября 2010 г.

Нумаях пулмасть Çĕнĕ Шупашкарта панкратион (кĕрешÿ тата бокс) ăмăртăвĕсем пулчĕç. Мари Эл, Тутарстан Республисенчен тата Ульяновск хулинчен килнĕ спортсменсем вăйĕсене виçрĕç. Унта пирĕн район вĕренекенĕсем те хутшăнчĕç. 36 килограмлă виçеллисенчен Тукай Мишер каччи Риназ Гимадиев чи маттурри пулчĕ, пĕрремĕш вырăн йышăнчĕ. Динар Зарипов (39 килограмм) — иккĕмĕш, Рамиль Гимадиев (42 килограмм) виççĕмĕш вырăнсене çĕнсе илчĕç. Кунта, паллах, Наиль Зарипов физкультура учителĕн, тренерăн тÿпи пысăк. Вăл çак ăмăртăва спонсорла пулăшу парса та пулăшрĕ. Çĕнтерÿçĕсене Хисеп грамотисем тата хаклă парнесем парса чысланă.

Источник: "Каçал Ен"